‘मैले गीत छोडी आए फुलको तरेलीमा’…….चलचित्र ‘सारङ्िग’मा नायक सरोज खनालले यो गीतमा अभिनय गर्दा धेरैको मन छोएको थियो । नेपाली सिनेमा क्षेत्रमा कुनै बेला सरोज खनालको क्रेज अत्याधिक थियो । सरोज खनालका नाममा हलमा दर्शकहरु ओइरिन्थे ।

 

१४ बर्षपछि नायक खनाल पुनः एकपटक पर्दामा र्फकदै छन् । चलचित्र ‘मानव’ बाट उनले नेपाली चलचित्रको रंगिन पर्दामा पुनः आगमन गर्न लागेका हुन् । कुमार आचार्यको निर्माणमा तयार भएको यो चलचित्रमा अभिनय गरेर सरोज अमेरिका फर्केको पनि लामै समय भैसकेको छ । तर चलचित्रको प्रदर्शनको पालो भने भर्खर मात्र आएको छ । यो चलचित्र माघ महिनामा प्रदर्शनमा आउने निर्माणपक्षको भनाई छ ।

यादव सिलवालको निर्देशनमा तयार भएको चलचित्रमा सरोजलाई नायिका दिपशिखा शाहीले साथ दिएकी छिन् । चलचित्रमा निश्चल श्रेष्ठको कथा तथा गीत, विकास चौधरीको संगीत छ । सरोज खनालका फ्यानहरुका लागि ‘मानव’ नौलो स्वाद हुने विश्वास निर्माणपक्षको छ ।