Mix Sansar

स्यान्डी हुक, मंसिर ३० (एजेन्सी) - एक युवकले अमेरिकाको न्युटाउनस्थित एक स्कुलमा जथाभावी गोली चलाउँदा २० स्कुले केटाकेटीसहित २७ जनाको मृत्यु भएको छ। दुई सेमी अटोमेटिक पेस्तोल चलाएर २६ जनाको ज्यान लिएपछि युवकले आफूलाई पनि गोली ठोकेका थिए। प्रहरीले गोली चलाउने २० वर्षीय एडम लेन्ज रहेको जनाएको छ। उनले स्यान्डी हुक इलिमेन्टरी स्कुलमा गोली चलाएका थिए। दुईवटा कक्षामा गएर अन्धधुन्ध गोली हानेका थिए। 

न्युयोर्क, मंसिर २९ (एजेन्सी) - विश्वविख्यात किशोर गायक जस्टिन बिबरको हत्या गर्ने र नपुसंक बनाउने षड्यन्त्र असफल पारेको प्रहरीले बताएको छ। डाना मार्टिन नामका हत्याराले बिबरको दुवै अण्डकोष काट्नेलाई २५ सय डलर दिने बताउँदै उनको अपहरण गर्ने, नपुसंक पार्ने र हत्या गर्ने षड्यन्त्र रचेको बताइएको छ।

मंसिर २२ । घडी किन लगाउनु हुन्छ भन्ने प्रश्नको उत्तरमा पक्कै पनि समय,दिन,तारिख अथवा महिना थाहा पाउन भन्ने उत्तर आउँछ । तर जापानको एउटा इलेक्ट्रिकल फर्मले यस्तो घडी बनाएको छ जसमा समय मात्र होइन इमेल र कल पनि गर्न सक्नुहुनेछ । यस घडीको समन्वय तपाइको मोवाइलसंग हुने छ जसको कारण तपाइहरुले घडीमै कल अलर्ट थाहा पाउनु हुनेछ । यति सम्मकी भाइब्रेसन भएको इमेल अलर्टलाई हटाउने हो भने दुइ पटक घडीको स्क्रीनमा छोए भाइब्रेसन हट्ने छ ।

मंसिर २१ । फिलिपिन्सको दक्षिणी क्षेत्रमा चक्रवात आंधी बोफीका कारण ३ सय २५ भन्दा बढीको मृत्यु भएको छ। आंधीका कारण मिन्डानाओ टापुमा मृत्यु हुनेको संख्या अझै बढ्न सक्ने अनुमान गरिएको छ। आंधीमा परी सयौं नागरिक हराइरहेका छन्।

पटना, मंसिर २१ (रोयटर्स) - भारतको विहार राज्यको एउटा गाउँमा मोबाइलले महिलालाई बिगारेको भन्दै प्रतिबन्ध लगाएको छ। राज्यको राजधानी पटनाबाट ३८५ किलोमिटर पूर्व पर्ने मुस्लिमहरुको बाहुल्य रहेको सुन्दरबारी गाउँ पञ्चायतले महिलाले मोबाइल चलाएको भेटे जरिवाना गर्ने भएको छ।

वासिङटन, मंसिर २१ (एजेन्सी) - म्याकाफी एन्टी भाइरस सफ्टवेयर कम्पनीका प्रमुख जोन म्याकाफीलाई ग्वाटेमाला प्रहरीले पक्राउ गरेको छ। ग्वाटेमाला सिटीको एउटा होटलबाट ६७ वर्षीय म्याकाफीलाई इन्टरपोल एजेन्टहरुको सहयोगमा गिरफ्तार गरिएको हो।

बेलिजमा गत महिना एक छिमेकीको हत्या गरेको अभियोग लगाइएपछि उनी यसै सप्ताहान्त आफ्नी २० वर्षकी गर्लफ्रेन्ड साम भेनेगाससित ग्वाटेमाला प्रवेश गरेका थिए। उनलाई त्यहाँ अवैध रुपमा देशभित्र प्रवेश गरेको अभियोग लगाइएको छ।

सेक्सको मामलामा अमेरिकी शहरमा न्यूर्योकवासी सबैभन्दा अगाडी देखिएका छन । न्यूर्योकवासी वर्षमा औसत रुपमा १ सय ५६ पटक सेक्स गर्ने गरेको तथ्याङ सार्वजनिक भएको छ । यो संख्या अमेरिकाको अन्य राज्यहरुको तुलनामा सबैभन्दा बढी हो । हालैमा न्यूर्योकको कण्डम उत्पादन कम्पनी ट्रोजनले गरेको सर्वेक्षणमा यस्तो नतिजा पाइएको हो ।

२० मंसिर, सिड्नी । सयौं आप्रवासी नेपालीहरुलाई कानुनी परामर्श दिने अष्ट्रेलियाका ‘हाइप्रोफाइल’ वकिल यौन दुर्ब्यबहारको अभियोगमा समातिएका छन् ।
शरणार्थी र आप्रवासी मामिलासम्बन्धी परामर्शमा नाम कमाएका ६० बषिर्य डेभिड बाइटेललाई प्रहरीले मंगलबार पक्राउ गरेको अष्ट्रेलियाबाट प्रकाशित कम्युनिटी न्यूज पोर्टल एयुनेपाल डटकमले जनाएको छ ।
नेपाली, पाकिस्तानी, बंगलादेशी र भारतीय ग्राहकलाई आफ्नै कार्यालयमा दुब्र्यबहार गरेको अभियोगमा उनलाई पक्राउ गरिएको हो । सन् १९९५ देखि २००४ को बिचमा उनले यी चार जना आप्रवासीलाई यौन दुब्र्यबहार गरेको प्रहरीले अभियोग लगाएको छ । प्रहरीले अभियोगबारे केही नबताएपछि अष्ट्रेलियाली संचारमाध्यमहरुले उनको अभियोगबारे खुलाएका छन् ।

सिकागो, मंसिर १९ (एएफपी)- छ महिना मुनिका शिशुलाई एन्टिबायोटिक औषधी सेवन गराउँदा पछि ती शिशु धेरै मोटा हुनसक्ने एक अध्ययनले देखाएको छ। 

अमेरिकाको न्युयोर्क विश्वविद्यालयको स्कुल अफ मेडिसिनका लियोनार्डो ट्रासन्डका अनुसार अत्यधिक मोटाउनुको कारण अस्वस्थ खानेकुरा र शारीरिक व्यायाम नगर्नुलाई मान्ने गरिन्छ। उनको भनाइमा अहिले भइरहेका अनुसन्धानले भने अत्यधिक मोटाउनुका कारण निकै जटिल पाइएको छ।

तपाईले तल हेर्नु भएको तस्वीर एक साधारण क्यामाराबाटै खिचिएको छ । यो तस्वीर जापानका माकोतो आइदाले खिचेका हुन् । एक युवतीको सिउँदालाई खेतको बीचमा रहेको बाटोसँग मर्ज गरिएको छ । झट्ट हेर्दा युवतीको टाउको हुँदै बाटो जान्छ जस्तो लाग्छ ।

मंसिर १५ । सन् २०१२ को डिसेम्बरमा विश्व धवस्त हुने कुरा गलत भएको नासाका वैज्ञानिकहरुले बताएका छन् । नासाको आफ्नो अफिसियल वेवसाईटमा २१ डिसेम्बर २०१२ मा विश्वनै धवस्त हुने भनि हुदै आएको चर्चा सहि नभएको बताइएको छ । चार अर्ब वर्ष देखि पृथ्वीको आफ्नै चाल रहेको र अहिले त्यस्तो कुनै फरक खबर वैज्ञानिकहरुले फेला नपारेको उल्लेख छ । निबिरुको नामको एक ग्रह पृथ्वी संग ठोक्किने र पृथ्वी नै धवस्त हुने भनि यसअघि विश्वभरनै चर्चा चल्दै आएको छ । निविरु पृथ्वी संग ठोक्किने कुरा गलत भएको र यो एक ईन्टरनेटमा फैलिएको अफवाह मात्रै भएको नासाका उच्च वैज्ञानिकहरुले दाबी गरेका छन् ।

लन्डन, मंसिर १३ (एजेन्सी) - बेल्जियमका एक पुरुषले विवाहको १९ वर्षपछि आफ्नी पत्‍नीसित सम्बन्ध विच्छेद गर्न कानुनी प्रक्रिया अघि बढाएका छन्। कारण- पत्नी पुरुष हुनु !  आफ्नी पत्‍नी पुरुष भएर जन्मिएको र पछि लिङ्ग परिवर्तन गरी महिला बनेको भर्खरै थाहा पाएपछि उनले यस्तो निर्णय गरेका हुन्।
हेट नियुजब्लाड पत्रिकासँग कुरा गर्दै ६४ वर्षका जानले भने, मैले त उनलाई आकर्षक महिला ठानेको थिएँ। पूरै महिला।