काभ्रे,मंसिर १८ । काभ्रेको बनेपा स्थित दुरसञ्चार चोकमा पाइप बम विष्फोट भएको छ । सोमवार विहान भएको विष्फोटवाट कुनै मानवीय तथा भौतिक क्षति भने भएको छैन । विष्फोट भएको स्थानमा विश्व सेना विशाल नेपालको पर्चा भेटिएको छ । पर्चामा लोकतन्त्र र गणतन्त्रका नाममा देश लुट्न र टुक्राउन नपाइने लेखिएको इलाका प्रहरी कार्यालय बनेपाका प्रहरी निरीक्षक खेम अर्यालले जानकारी दिनुभयो । घटनावारे थप अनुसन्धान भइरहेको पनि प्रहरीले जनाएको छ ।