तीन करोड अमेरिकी डलरमा बन्ने ‘पानी'को स्क्रिप्ट शेखरले १५ वर्षअघि नै लेखेका हुन् । उनले बेलाबखत फिल्मको काम सुरु गर्ने बताउँदै आएका थिए । केही दिनअघि यशराज फिल्मस् निर्माताका रूपमा आबद्ध भएपछि यसको सुटिङ चाँडै हुने सम्भावना बढेको छ ।
ऋत्विक आफ्नो भूमिकाप्रति निकै उत्साही छन् । त्यसैले उनले नजिकका साथीभाइ र अन्तर्राष्ट्रिय फिल्मकर्मीसँग ‘पानी'बारे मोरक्कोमा चर्चा सुरु गरेका हुन् ।



ऋत्विकलाई दिइएको भूमिकामा इमरान खानको पनि चर्चा चलेको थियो भने फिल्म घोषणा गर्दा शेखरले विवेक ओबरायको नाम सार्वजनिक गरेका थिए । ‘मासुम', ‘मिस्टर इन्डिया', ‘बैन्डिट क्विन'जस्ता फिल्मका निर्देशक शेखरले ‘पानी'पछि बालबालिकालाई सुहाउँदो फिल्म बनाउने योजना पनि भर्खरै सुनाएका छन् । ‘पानी'मा एआर रहमानको संगीत रहनेछ ।