लामो कसरत र दौडधुपपछि चलचित्र ‘लभ यु म्यान’ले चलचित्र सेन्सर बोर्डबाट एडल्ट सर्टिफिकेट पाएको छ । समलिंगी बिषयमा कानुनले समेत स्पष्ट नबोलेको भन्दै लभ यु म्यानलाई बोर्डले सेन्सर गर्न आनाकानी गरेको थियो । तर, चलचित्रमा समावेश थुप्रै दृश्यमाथि कैंची लगाउँदै बोर्डले ‘लभ यु म्यान’लाई एडल्ट सर्टिफिकेट दिएको हो ।

वीपी फुयाँलको निर्देशनमा तयार भएको चलचित्रमा युवराज खत्रीको लगानी छ । चलचित्रमा राज आर्यन, सुरेश चौधरी, प्रनिशा अधिकारी लगायतका कलाकारको अभिनय छ । केटा-केटाबीच हुने आकर्षण र रोमान्सको कथालाई उठान गरेको यो चलचित्र मंसिर २२ गतेबाट देशभरका हलमा प्रदर्शनमा आउदैछ ।