२१ मंसिर, काठमाडौं । च्याम्पियन्स लिग फुटबलमा बेन्फिकाविरुद्धको खेलमा बार्सिलोनाका स्ट्राइकर लिओनल मेस्सी घाइते भएका छन् । यससँगै उनले एकै क्यालेण्डर वर्षमा सर्वाधिक गोलको कीर्तिमान तोड्ने धेरैको अपेक्षामा शंका उब्जिएको छ ।

 

बल अघि बढाउने क्रममा बेन्फिकाका रक्षकसँग जुध्न पुगेका मेस्सीको देब्रे घुडामा चोट लागेको छ । चेटपछि उनी ८४ औं मिनेटमा मैदानबाट बाहिरिएका थिए । उनी दोस्रो हापमा बैकल्पिक खेलाडीका रुपमा मैदान प्रवेश गरेका थिए ।

चेटपछि मेस्सी आइतबार ला लिगामा रियल बाटिसविरुद्धको खेलमा मैदान उत्रनेमा आशंका छ । बार्सिलोनाले मेस्सी खेल्ने नखेल्ने उनको स्वास्थ्यमा आउने सुधारमा भर पर्ने बताएको छ ।

यस वर्ष अब बार्सिलोनाले ४ खेल खेल्न बाँकी छ । ला लिगामा रियल बाटिसँगै एथ्लेटिको मड्रिड र रायो भलकानोसँग र कोपा डेल रे कपमा कोर्डोवासँग खेल्न बाँकी छ ।