छायांकनदेखि नै सिनेमाको कथावस्तुका कारण बिबादमा परिरहेको चलचित्र ‘नाइन ओ क्लक’को आइतबार अडियो बिमोचन गरिएको छ । चलचित्रको अडियो बिमोचन कवियत्री उषा शेरचन, नायिका सुमिना घिमिरे, निर्देशक बाबुराम ढकाल लगायतले गरेका थिए । चलचित्रमा ३ वटा गीत समावेश गरिएको छ । कन्काइष्ट राईको संगीत रहेको चलचित्रका गीतमा राजेश पायल राई, रजिना रिमाल, इन्दिरा जोशी, शिव परियार लगायतका गायक तथा गायिकाले आवाज भरेका छन् । चलचित्रका गीतमा दयाराम पाण्डे, प्रमोद ढुंगाना र 

कन्काइष्ट राईको शब्द छ ।

 

रामशरण उप्रेतीको छायांकन, पुनम राई र कविराज गहतरजाको नृत्य, विपिन मल्लको सम्पादन, प्रकाश पुरीको लेखन रहेको चलचित्रमा ध्रुव दत्त, सुमिना घिमिरे, दिक्षा पाठक, पदम जीसी, राजन त्रिपाठी, सवुश्री लगायतका कलाकारको अभिनय छ । रमेश संवेदनाको निर्माणमा तयार भएको यो चलचित्र फागुनको ११ गतेबाट प्रदर्शनमा आउदैछ । चलचित्रको विभिन्न १२ वटा देशमा विशेष प्रदर्शन गरिने निर्माता संवेदनाले जानकारी दिए । कार्यक्रममा नेपाली सिनेमा क्षेत्रका विभिन्न चलचित्रकर्मी तथा पत्रकारहरुको उपस्थिती थियो । चलचित्र आर्यन फिल्मस्को व्यानरमा तयार भएको हो ।