आफुले निर्देशन गरेको सिनेमाको सेन्सर रोकिपाउँ भन्दै कमै मात्र निर्देशकले उजुरी हाल्छन् । नेपाली सिनेमामा निर्देशकले सिनेमाको सेन्सर रोकिपाउँ भनी उजुरी दिएका घटना कमै मात्र सुनिएका छन् । तर चलचित्र ‘लभ यु म्यान’का निर्देशक वीपी फुयाँलले पारिश्रमिक नपाएको भन्दै सिनेमाको सेन्सर रोक्न उजुरी हालेका छन् । उनले उजुरी हालेपछि सिनेमाको सेन्सर रोकिएको छ ।

निर्माता युवराज खत्रीले अनलाइनखबरसँग भने, ‘हामीले उहाँलाई सबै रकम वुझाइसकेका छौ, तर किन यस्तो गर्नुभयो अचम्ममा परेका छौ ।’ युवराजले वीपीसँग मिलेर यसअघि ‘द लाष्ट किस’ नामक सिनेमा निर्माण गरेका थिए । तर चलचित्र ‘लभ यु म्यान’को निर्माणसगै यि दुइबिच फाटो आएको थियो ।

मंसिर २२ गतेबाट प्रदर्शनमा आउने भनिएको सिनेमाको निर्माणपक्ष सेन्सर रोकिएसँगै तनाबमा छ । यसबारेमा निर्देशक फुयाँलसँग प्रतिक्रिया लिन खोज्दा उनी सम्पर्कमा आउन सकेनन् ।