नेपाली सिनेमा उद्योगका दुई सय भन्दा बढी कलाकारहरु यही पौष सात गते गोदावरीमा पिकनिक जाने भएका छन् । नेपाल चलचित्र कलाकार संघले पिकनिक कार्यक्रमको आयोजना गरेको हो । पिकनिक आयोजना गरिएको बारे कलाकारहरुलाई आजबाटै जानकारी गराउने काम सुरु भइसकेको संघका अध्यक्ष नवल खड्का मेरो सिनेमालाई जानकारी गराउँछन् ।
‘काठमाडौ उपत्यकामा भएका सबै कलाकारहरुलाई सहभागी गराउने हाम्रो उद्धेश्य छ’ अध्यक्ष खडका भन्छन् । गत मंसिर पाँच गते बसेको कार्यसमितिको बैठकले पिकनिक जाने निर्णय गरेको बताउँदै उनी भन्छन् ,‘कलाकारहरु बीचको सम्बन्ध विस्तार गर्न र मनोरञ्जन लिने हिसाबले पिकनिकको आयोजना गरिएको हो ।’ वनभोज कार्यक्रमलाई व्यवस्थित गर्न कार्य समितिको बैठकले उपाध्यक्ष सानु कुमार ताम्राकारको संयोजकत्वमा एउटा टोली नै गठन गरेको छ ।