सेन्सर बोर्डले रोक लगाएका दृश्य समेत नकाटी प्रदर्शनमा आएको चलचित्र एटीएमको प्रदर्शनमा  रोक लगाउन संचारमन्त्रालयले आदेश दिएको छ । संचारमन्त्रालयले प्रदर्शनमा रोक लगाउन गृहमन्त्रालयलाई आदेश दिएको खबर  छ । आदेशसँगै काठमाण्डौका विभिन्न आधा दर्जन हलमा सिनेमा रोकिएको खबर छ । निर्माता दिनेश थापाले संचारमन्त्रलायबाट आफुलाई कुनै जानकारी नआएको बताए । उनले काठमाडौको कलंकी र पुष्पाञ्जली हलमा सिनेमाको प्रदर्शन रोकिएको जानकारी आफुलाई प्राप्त भएको बताए ।


सेन्सर बोर्डले केही दृश्य काँटेर प्रदर्शन गर्न भन्दै चलचित्रलाई एडल्ट सर्टिफिकेट दिएको थियो । तर चलचित्रको निर्माण युनिटले सेन्सर बोर्डलाई समेत चुनौती दिदै कुनै पनि दृश्य नकाँटी चलचित्रलाई प्रदर्शनमा ल्याएको थियो ।