बलिउडमा सलमान खान र शाहरुख खानबीचको कित्ताकाटका बारेमा सायद कोहीपनि बेखबर छैन होला । दुइ खानबीचको लडाइँले कतिपय नवआगन्तुकलाई फाइदै भएको छ भने कतिपय कसलाई सपोर्ट गर्ने भन्ने भेउ नपाएर विलखबन्दमा पनि परिरहेका छन् । बलिउडका अभिनेता अजय देवगनले पनि दुइ खानको यो रस्साकस्सीमा अहिलेसम्म सलमानलाई साथ दिँदै आएका थिए । तर पछिल्लोपटक अजय र शाहरुखको हेलमेल बढेपछि सलमान हेरेको हेर्यै भएका छन् ।

समाचार अनुसार फिल्ममा अजय देवगन एक दमदार भूमिकामा देखा पर्नेछन् । बढेको खटपटका कारण अब शाहरुख र अजय एकै फिल्ममा देखा पर्न गाह्रो हुनेछ भन्ने आम अनुमान विपरित रोहित सेट्टीको प्रयासमा देवगन र शाहरुखबीच मिलापत्र भई नयाँ फिल्ममा सँगै काम गर्ने सहमति भएको बताइएको छ ।