एकीकृत नेकपा माओवादीका अध्यक्ष प्रचण्डले जनयुद्धकालमा आफुलाई नायिका करिश्मा मानन्धर मनपर्ने अभिव्यक्ति दिएर चर्चा बटुलेका थिए । जनयुद्धकालबाट फर्किएपछि नायिका रेखा थापासग नाचेपछि प्रचण्डको आकर्षण करिश्माप्रति भन्दा नायिका थापाप्रति बढेको थियो ।

ह्यान्डसम नेताको उपाधि पाएका एमाले अध्यक्ष झलनाथ खनालले भने नायिकाका बारे अहिलेसम्म मुख खोलेका थिएनन् । तर, सोमबार एक सिनेमाको शुभमुहुर्त समारोहमा पुगेका झलनाथले आफ्नो रोजाइकी नायिकाबारे मुख खोलेका छन् ।

रंग पत्रकारहरुसँग कुरा गर्दै झलनाथले भने, व्यक्तितगत आकर्षण र सुन्दरताका हिसावले मलाई नेपालका कुनै पनि नायिका मन पर्दैनन् । सबैजना आ-आफ्नो स्थानमा राम्री हुनुहुन्छ, यसैले म सबैलाई उत्तिकै मन पराउँछु ।

झलनाथले नेपाली सिनेमा र देशको राजनीतिक अवस्था उस्तै रहेको बताए । जसरी देशको अवस्था भद्रगोल बनेको छ, सिनेमा पनि त्यस्तै भएको छ भन्ने बुझेको छु ।