८ मंसिर, काठमाडौं । राजधानीमा जारी सहिद स्मारक ए डिभिजन लिग फुटबलमा न्यूरोड टिम एनआरटीले विजयी सुरुवात गरेको छ ।

शुक्रबार त्रिपुरेश्वरस्थित दशरथ रंगशालामा भएको आफ्नो पहिलो खेलमा एनआरटीले सेगुन अकिनाडेको चार गोलको मदतमा बाँसबारी क्लबलाई ५-३ गोल अन्तरले पराजित गरेको छ । खेलमा अग्रता भने बाँसबारीले लिएको थियो ।

खेलको दोस्रो मिनेटमा नै पुकार आलेले गोल गर्दै बाँसबारीलाई अग्रता दिलाए पनि ४ मिनेट भन्दा टिक्क सकेन । छैटौं मिनेटमा एनआरटीका लक्ष्मण रुचालले बारबरी गोल फर्काए । २६ औं मिनेटमा सेगुनले गोल गर्दै एनआरटीलाई २-१ को अग्रता दिलाए भने ३९ औं मिनेटमा व्यक्तिगत दोस्रो गोल गर्दै अग्रता ३-१ मा पुर्‍याए । उनी त्यतीमा मात्र रोकिएनन् र खेलको ५४ औं मिनेटमा हृयाट्रिक पुरा गरे । यो प्रतियोगिताको पहिलो हृयाट्रिक हो ।

६० औं मिनेटमा बौद्धका पुकारले दोस्रो गोल गर्दै एनआरटीको अग्रता ४-२ मा झारे । ६६ औं मिनेटमा सेगुनले चौथो गोल गर्दै एनआरटीलाई ५-२ को अग्रता दिलाए । ८१ औं मिनेटमा बौद्धका विसाल तामाङले गोल गर्दै एनआरटीको अग्रता ५-३ मा झारे पनि हार टार्न सकेनन् ।