राजधानीमा जथाभावी राखिएका होर्डिङ बोर्डले काठमाडौंको सौन्दर्य नराम्ररी बिगारिदिएका छन् । मुख्य सडकदेखि भित्री गल्लीसम्म होर्डिङबोर्ड राखिएका छन् । बिजुलीका प्रत्येक खम्बामा होर्डिङ बोर्ड राखिएका छन्  । भवनहरू होर्डिङबोर्डले नै भरिएका छन् । जता हेरे पनि होर्डिङ बोर्डबाहेक केही पनि देखिँदैन ।

सरकारले राजस्व आउने नाममा जताततै होर्डिङ बोर्ड राख्न दिएको छ । निषेधित विज्ञापनका होर्डिङ बोर्ड पनि जताततै देखिन्छन् । सरकारले त्यस्ता होर्डिङ बोर्डहरूको प्रभावकारी अनुगमन गर्न सकेको छैन । त्यसैले अब निश्चित ठाउँ तोकेर होर्डिङ बोर्ड राख्न दिने व्यवस्था गर्नुपर्छ । अन्याथा पर्यटन वर्षमा राजधानीमा पर्यटकलाई राजधानीको होर्डिङ बोर्डबाहेक देखाउने कुरा केही रहँदैन । त्यसैले ठाउँ कुठाउँ राखिएका होर्डिङ बोर्ड हटाउन महानगरपालिका तथा अन्य नगरपालिकाहरूले तत्काल काम थाल्नुपर्छ ।